ಪ್ರವಾಸ

ಪ್ರಾಸ ಪ್ರವಾಸ ಪದ್ಯಗಳು

ನೋಡಿ ಬಂದೆವು ಕೂಡಲ ಸಂಗಮ

ಅಲ್ಲಿತ್ತು ಬಹು ಜನ ಸ್ತೋಮ||

ಮಾಡಿ ಬಂದೆವು ದೋಣಿ ಪ್ರಯಾಣ

ಅದರಿಂದ ಸಿಕ್ಕಿತ್ತು ಬಹು ತ್ರಾಣ||

ಮಧ್ಯದಲ್ಲಿ ಆಗಿತ್ತು ಎಲ್ಲರಿಗೂ ತ್ರಾಸ

ಹಾಗಾಗಿ ಮಲಗಿದ್ದರು  ಎಲ್ಲಾ ನಿರಾಯಾಸ||

                              

                                         

ಗುಂಬಜಿನ ಗೋಡೆಗಳಲ್ಲಿ  ಪ್ರತಿಧ್ವನಿಸುತ್ತಿತ್ತು ಮಂದಿಯ ನಿನಾದ

ಆದರವಳೆದೆಯಲ್ಲಿ ಮೂಡಿತ್ತು ಆರ್ತನಾದ||

ಆಕೆಯಲ್ಲೋ ಕೂತು ಅಳುತ್ತಿದ್ದಳು ಬಿಕ್ಕಿ ಬಿಕ್ಕಿ

ಕದಡಿತ್ತು ಅವಳ ಮನ ಕಕ್ಕಾ-ಬಿಕ್ಕಿ||

ನೊಂದಿತ್ತು ಮನ ಕಣ್ಣೀರೊರೆಸಿ-ಒರೆಸಿ

ಹೊಯ್ದಾಡಿತು ಮನ ಇನ್ನೇನನ್ನೊ ಅರಸಿ-ಅರಸಿ||

ಪಂಡರಾಪುರದ  ಬೀದಿಗಳಲ್ಲಿತ್ತು ಕಸ

ಆದರೆ ಭಕ್ತರೆದೆಯಲ್ಲಿತ್ತು  ಭಕ್ತಿಯ ರಸ||

ಬೇಡಿದರೆಲ್ಲರೂ ರಂಗಾ ರಂಗಾ ಎಂದು

ಅವನುಲಿದ ಸ್ವಚ್ಛಗೊಳಿಸಿ ನನ್ನೂರನೆಂದು||

ಮೋದಿಜೀಯ ಸ್ವಚ್ಛ ಭಾರತ ಅಭಿಯಾನ್

ಎಲ್ಲಾ ಕೈಜೋಡಿಸೋಣ, मेरा भारत महान|| (written on 0ct 2nd ,the scenes in Pandrapur was swachh bharath abhiyaan)

ಇದನ್ನು ಶನಿಸಿಂಗಾಪುರವೆಂದು ಕರೆವರೆಂದರು

ಸೊಗಸಾಗಿದೆ ಒಮ್ಮೆ ನೋಡಿಬರೋಣವೆಂದರು||

ಅಲ್ಲಿ ನೆಲೆಸಿದ್ದ ಶನಿ ಮಹಾತ್ಮ

ಅದ ನೋಡಿ ನಮ್ಮದಾಯಿತು ಶುದ್ಧಾತ್ಮ||

ಶನಿಕಾಟ ಕಳೆವುದೆಂದು ಹೊಯ್ದರೆಲ್ಲ ತಿಲತೈಲ

ಆದರವ ನಕ್ಕ-"ಕರ್ಮ ಸವೆಸುವವರೆಗೂ ಸಿಗದು ಫಲ" || 

ಶಿರಡಿಯ ಬೀದಿಗಳಲ್ಲಿತ್ತು ರಂಗು ರಂಗಿನಾಟಿಕೆ

ಭರದಿಂದ ಸಾಗಿತ್ತು ಭಕ್ತರ ಚಟುವಟಿಕೆ||

ಮೊಳಗುತ್ತಿತ್ತು ಘಂಟಾ-ಘೋಷ ಸಾಯಿ ಸಾಯಿ ಎಂದು

ಕಾದು ಕುಳಿತ್ತಿದ್ದರೆಲ್ಲ ಬಾಬಾನ ಕಾಕಡಾರತಿಗೆಂದು||

ಜಗಮಗಿಸುವ ಬೆಳಕಿನಲ್ಲಿ ಆಲಿಸುತ್ತಿದ್ದ ಮೌನವಾಗಿ ಕುಂತು

ಬೇಡಿದರೆಲ್ಲ ಜನ-"ಸರ್ವೇ ಜನೋ ಸುಖಿನೋಭವಂತು"||

ಪುಣೆ,ಜನರನ್ನು ಯಾಂತ್ರಿಕವಾಗಿಸಿದ ಇನ್ನೊಂದು ನಾಡು

ಕೈಗಾರಿಕೋದ್ಯಮದ ನೆಲೆ ಬೀಡು||

ಯಾಂತ್ರಿಕವಾದ ಬದುಕು,ಶರವೇಗದಲ್ಲಿರುವ ವಾಹನಗಳು

ಜನರನ್ನೇ ಕಬಳಿಸುವಂತ ಬಿಸಿಲು,ಗಗನ ಚುಂಬಿಸುವ ಕಟ್ಟಡಗಳು||

ಎಲ್ಲೆಲ್ಲೂ ಕಾಣ ಸಿಗುವವು ಪ್ರವಾಸಿ ಮಂದಿರಗಳು

ಮಾಡುವವು ಪ್ರವಾಸಿಗರನ್ನೆ "ಬಕರಾಗಳು"||

ಬಾಲಾಜಿಯ ಸನ್ನಿಧಿ ನಾರಾಯಣಪುರವೆಂದು

ಮಂದಿ ಕರೆದರು ಇದ ಚಿಕ್ಕತಿರುಪತಿಯೆಂದು||

ಜೊತೆಗೆ ನೆಲೆಸಿದ್ದರು ಪದ್ಮಾವತಿ,ಅಲುಮೇಲಮ್ಮ

ನೋಡಲು ಅತೀ ಸುಂದರವಮ್ಮ||

ಇನ್ನೀರ್ವರಿದ್ದರು ವರಾಹ,ವೇಣುಗೋಪಾಲನು

ಕೊಳಲನೂದುತ ಚಂದದಿಂದ ನಿಂದಿಹನು||

ಮಹಾಬಲೇಶ್ವರ ಪಂಚ ಲಿಂಗೇಶ್ವರ 

ಐದು ನದಿಗಳ ಸಂಗಮೇಶ್ವರ||

ಇಲ್ಲಿ ಮಹಾಬಲನನ್ನು  ಸಂಹಾರ ಮಾಡಿದ ಈಶ್ವರ,

ತೋರಿದ ರುದ್ರಾಕ್ಷಿಯ ಅವತಾರ||

ಇದು ಕೃಷ್ಣ,ಸರಸ್ವತಿ,ಕೊಯ್ಲ,ಸಾವಿತ್ರಿ,

ಗಾಯಿತ್ರಿ ನದಿಗಳ ಸಂಗಮದ ಧರಿತ್ರಿ||

ಹರಿವಲ್ಲಭೆಯ ತವರೂರು ಕೊಲ್ಲಾಪುರ

ಕುರುಕಲು ತಿಂಡಿ ದೊರೆವುದಿಲ್ಲಿ ತರ-ತರಾ||

ಸರ್ವಾಲಂಕೃತವಾಗಿ ನೆಲೆಸಿಹಳಿಲ್ಲಿ ಮಹಾಲಕ್ಷ್ಮಿ

ನೋಡಲು  ಸಾಲದು  ಎರಡು ಅಕ್ಷಿ,ಅದಕ್ಕೆ ನಾವೆ ಸಾಕ್ಷಿ||

ಬಹು ರುಚಿಕರ ಇಲ್ಲಿನ ವಡಾ-ಪಾವ್
ತಿಂದು ಪ್ರವಾಸಿಗರೆಂದರು ವಾವ್ -ವಾವ್||